Родословие литовских князей (следующее за "Сказанием" первой редакции)

Основной текст: Список БИЛ, собрание Волоколамского монастыря, № 572.

'Родство великих князей литовских'. Список БИЛ, собр. Волоколамского монастыря № 572, л. 198

В лето 6830 по пленении безбожнаго Батыа избежал от плена его некий князец именем Витянец, рода смоленьских князей, и вселися в Жомоть у некоего бортника. И поят у него дщерь в жену себе и пребысть с нею лет 30 бездетен. И убьен бысть громом. И последи князя Витенца поят жену его раб его конюшец именем Гигименик. И роди от нея седмь сынов: 1. На роминтик, 2. Евнутик, 3. Олгердик, 4. Кестутик, 5. Скиригайлик, 6. Кориядик, 7. Мантоник.

Лета 6825 князь Юрьи Данилович московский и князь Михаил Ярославич Тверьский поидоша во Орду о великом княженьи володимерском в споре. И князь Михаил Ярославич |л. 198 об.| Тверьский убьен бысть в Орде. Князь Юрьи Данилович прииде из Орды на великое княжение. И виде многи грады запустевшая и людей мало събирающася, печалию одержим бе. По убьении бо князя Михаила Черниговъскаго разсыпашася измаилтяне по всей земли Русьокой, яко птици полеташа. И христианьский род овех мечем закалающе, других же в плен отвожаху, а оставшая смерть и глад погубляше. Сия случишася нам грех ради наших.

Великий же князь начат разсылати по градом и местом собрати оставшаа люди. Посла убо сего Гегименика на Волоскукз землю и на Киевьскую и обь сю страну Меньска наполнять плененыа грады и веси, у воставших имати дани царьскиа. И с ним |л. 199| посла некоего мужа славна именем Бореика и ины множайших. Сей же реченный Гегименик бе мужь храбр зело и велика разума, начят брати дани на людех и съкровища изыскивати и обогатися зело. И собра к себе множество людей, дая им потребная нескудно, и начят владети многими землями. Назвася от них князь великий Гедиман литовъский Первый великих государей русьоких князей не съгласьем и междуусобными браньми.

В лето 6859 князь великий Семион Семионович седе на великом княжении володимерьском и московском. В то же лето преставися Гедиман, князь великий литовъский Первый. И по нем седе на великом княжении |л. 199 об.| литовъском сын его первый Наримант. И бысть ему брань с иноплеменники, и впаде в руце их. В то время бывшу великому князю Ивану Даниловичю в Орде, и окупил князь великий Нариманта у татар и отпустил его к Литве. Он же по своему обету, не дошед своея отчины, крестися, и наречен бысть в святом крещении Глеб. И того ради братья его не даша ему великого княжениа.

Но седе на великом княженьи брат его Олгерд, а Наримант, брат его, отиде в Великий Новъград, Евнут же вселися, идеже ныне Вильна, а Скиригайло з братом своим с Кестутьем вселишася при некоем озере за 20 поприщ от Вилны. И въста Скиригайло на брата своего |л. 200| Кестутия и уби его. Сын же Кестутев Витовт бежа в немцы и тамо собра себе друзи мнози, и пришед оттуду, уби дядю своего Скиригайла и два сына его. И вселися на месте отца своего и дяде своего, и нарече имя месту тому Троки, и совокупися любовою з дядею своим с Олгердом. Той бо Олгерд вина не пиаше и велик разум имяше, земля и княженьа притяжа к себе многи и удержа велию власть.

В лето 6858 князь великий Олгерд литовский приела послы своя к великому князю Семиону Ивановичю на Москву со многими дарми, прося мира и живота братьи своей. Князь же великий Семион пожаловал Олгерда и братью его Корияда и иных |л. 200 об.| отпустил к нему. И паки прислал Олгерд к великому князю Семиону Ивановичю, прося за себя свести его дочери великого князя Александра Михайловича Тверскаго. И князь великий Семион по благословению отца своего Феогнаста, митрополита всеа Русии, вдаст за него свесть свою великую княжну Иулиянию. И родишася от нея сынов седмы первый Андрей Полътеский, 2. Володимер Вельский, 3. Иван Острожский, 4. Иаков, 5. Легбень Волыньский, 6. Василей Черторижьский, 7. Олерко Киевъский.

Посем время не мало преиде, князь великий Олгерд в недуг впаде и начят сыновом ряд чинити: Иакова сына своего возлюби паче всех и даде ему великое княжение и град Вильну, а прочих сынов |л. 201| своих по уделом устроил. Благоверная же великая княгиня Иулианиа виде своего мужа Олгерда последнее дышуща и печаловашеся о спасении его и созва сыны своа и отца своего духовнаго призва, два архимандрита печерьскаго. И увеща своего мужа Олгерда съветом благым и божьим поепешением, сподоби его святого крещения. И наречен бысть в святом крещеньи Александр. И последи того великим чином иноческим одеяся и святою схимою, великим ангельским образом, украсивея, и вместо Александра Алексий наречен бысть; и по малех днех преставися" и положиша тело его в церкви святыа богородици в Вильне, юже сам созда. По сем же супружница его, благоверная княгини Иульяния, |л. 201 об.| немного время пожив, преставися, и в той же церкви погребоша тело ея. Иаков же, сын Олгердов, впаде в латыньскую прелесть - Ягайло великий князь литовъский, и бысть советник и друг безбожному Мамаю, его же побил за Доном благоверный великий князь Дмитрие Ивановичь. Витовт же Кестутьевичь совокупися любовью с Ягайлом. И по сем Ягайло взят бысть в Краков и коруноваша его кралем польским в Кракове, а на Вильне устави брата своего Витовта. Витовт же устройся на Вильне князь великий литовъский и нача съзидати грады многи, заруби Киев и Чернигов и взят Брянеск |л. 202| и Смоленеск, и приступиша к нему вси князи пограничныа с вотчинами от Киева даже и до Фоминьского приложишася к Витовту. Сия убо о сих известа суть.