НОВОСТИ    ЭНЦИКЛОПЕДИЯ    КНИГИ    КАРТЫ    ЮМОР    ССЫЛКИ   КАРТА САЙТА   О САЙТЕ  
Философия    Религия    Мифология    География    Рефераты    Музей 'Лувр'    Виноделие  





предыдущая главасодержаниеследующая глава

Дополнительные статьи из списков Русской Правды

1. О муже кроваве

Статья «О муже кроваве» помещается в Кормчих особого состава перед списками Пространной Русской Правды. Она послужила источником статьи «О мужи кроваве» в Сокращенной Правде. Ключевский, на основании денежного счета, относит ее к середине XII в., называя ее статьей о послухах: «Русские статьи в своде о послухах редактировались около половины XII в. при третной гривне кун: 6 - гривенная пеня и была в нем переверстана в 9 - гривенную» (Ключевский. Курс, ч. 1, изд. 5 - е, М., 1914, стр. 283). В тексте статьи о кровавом муже имеются указания на великих и менших бояр, как в уставе Ярослава Мудрого (Новг. л., стр. 481), на людинов городских и на селянинов, а также на колбягов. Последнее указание говорите раннем происхождении статьи «О кроваве муже». Печатается по Академическому изданию «Правды Русской», М.-Л., 1940, т. I, стр. 231.

1. О мужи кроваве

Аще приидеть кровавь моужъ на дворъ или синъ, то видока емоу не искати, но платити емоу продажа за бесчестие, каковъ боудеть; аще ли не боудеть на немъ знамения, то привести ему видокъ, слово противоу слова, а кто боудеть почялъ, томоу платити коуны, въ что и объложать; аще же и кровав приидеть или боудеть самъ почялъ, а вылезоуть послоуси, то то емоу за платежь, оже и били.

Аще же ударить мечемъ или ножемъ, а не утьне на смерть, то князю вины 9 гривенъ, а истьцу за раноу соудять, а оже лечебное; потнеть ли на смерть, то вира платити.

Аще ли пьхнеть муж моужа любо к ce6е, любо от себя, ли по лицу оударить, или жръдию ударить, а без зънамения, а видокъ боудеть, бещестие емоу платити; аже будеть боляринъ великых боляръ, или менших боляръ, или людинъ городскыи, или селянинъ, то по его пути платити бесчестие; а оже боудеть варягъ или колобягъ, крещения не имея, а боудеть има бои, а видокъ не боудеть, ити има роте по своей вере, а любо на жребии, а виноватый въ продажи, въ что и обложать.

2. Дополнительные статьи пространной Русской Правды по карамзинскому списку

Эти статьи вставлены после статьи «о месячном резу» (см. ст. 47). Время составления этих статей относится к XIII - XIV вв. (М. Н. Тихомиров. Исследование, стр. 178 - 180).

Печатается по изданию «Правда Русская», т. I, изд. АН СССР, М.-Л., 1940, стр. 352 - 354, 361.

О овцах

А от 20 овець и от двоу приплода на 12 летъ, 90000 овець и 100 овець и 12 овець, а борановъ 90000 и 100 и 12 борановъ.

А всего борановъ и овець на 12 лет 180000 и 200 и 23.

А овца метана по 6 ногатъ, а боранъ по 10 резанъ, а за то за все кунами 40000 гривенъ и 5000 грывенъ и 50 гривенъ и 5 гривенъ и 40 peзaн.

А на техъ овцахъ и на боранехъ роунъ 300000 и 60000 и 400 и 40 и б роунъ; а на техъ роунехъ коунами 7000 гривенъ и 200 и 8 гривенъ и 40 резанъ и 6 резанъ; а роуно чтено по peзaне.

О козахъ

А от 20 козъ и от 2 приплода на 12 летъ 90000 козъ и 100 козъ и 12 козъ.

А то кунами 20000 и 7000 и 30 гривенъ и 3 гривны и 30 резанъ.

А коза метана по 6 ногатъ. А козловъ 90000 и 100 и 11 козловъ, а то коунами 10000 и 8000 гривенъ и 20 гривенъ и 10 резанъ; а козелъ метанъ по 10 резанъ.

О свиньяхъ

А от 3 свиней приплода на 12 летъ 70000 и 3000 и 700 и 20 и 8 свиней.

А то коунами 30000 и 6000 и 800 и 60 гривенъ и 4 гривны.

О вепрехъ

А вепревъ 40000 и 9000 и 100 и 40 вепревъ.

А то коунами 10000 и 4000, 700 и 40 гривенъ и 3 гривны и 40 резанъ; а вепрь метанъ по 6 ногатъ.

О назимых свиньяхъ

А назимыхъ 3 свиньи, а от техъ приплода на 10 летъ 60000 и 100 и 40 и 4 свиньи.

А то коунами 30000 и 70 и 2 гривны.

А свинья метана по полугривне; 3 вепри старые 40 и 5 резанъ.

О кобылах

А от 2 кобылъ на 12 летъ приплода 30 и 2 кобылы, а третьячинъ 20 кобыл, а лоньщинъ 20 жеребпцевъ.

А однолетных 10 кобылъ, а 10 жерепьцевъ.

А то кунами 100 и 30 гривенъ и 2 гревны; а кобыла метана по 3 гривны.

А третьячина по гривне.

А лоньщина по 30 резанъ.

А однолетное по 6 ногатъ метано.

А техъ всехъ лошадей числом 90 и двое.

О лоньскыхъ кобылицах

А от лоньскои кобылици приплода на 9 лет 4 кобылы и с материю, а третьячинъ 3 кобылици, а лоньскыхъ 2 кобылици.

А от техъ кобылъ 10 жеребцевъ.

А старыи единъ жеребець; а то коунами 20 гривенъ и 2 гривны.

А техъ лошадей 20 числомъ.

О лоньскои телици

А от лоньскои телици на 9 лет приплода 4 коровы и с матерью, а третьячинъ телиць 3, лоньскыхъ 2 телици, от старыхъ коровъ 3 быки старые, а лоньскыхъ 2 быка, а однолетныхъ 5 быковъ.

А то кунами 7 гривенъ.

А корова метана по две гривне (третиячина по гривнe, а лоныцина по полугривне)(> Поставленное в скобки добавлено из другого списка.).

А того скота 20 безъ одного.

А от того скота сыровъ 300 и 60 сыровъ, а масла 30 горнцевъ; а то кунами 14 гривенъ и 20 резане, а сыръ метанъ по резане, а горнець масла по 10 резанъ.

О пчелах

А от двоихъ пчелъ на 12 летъ приплода роевъ и съ старыми пчелами 200 и 50 и 6 роевъ; то кунами 100 гривенъ и 20 гривенъ и 4 гривны; а то чтено по полугривне рои с медомъ; а приплода на то по единому рою.

О ржи

А в селе сеянои ржи на два плуга 16 кадеи ржи ростовьскыхъ, а того на одно лето прибытка на два плоуга 100 копенъ ржи, а на всю 12 лет 1000 копенъ и 200 копенъ ржи.

О немолоченои ржи

А ржи немолоченые 40 копенъ а на тоу рожь прибытка на одно лето 20 копенъ, а на всю 12 летъ в тои ржи прибытка 4000 копенъ и 600 и 60 копенъ ржи.

О полбе немолоченои

А полбы немолоченые 15 копенъ, а на то прибытка на одно летъ 7 копенъ, а на всю 12 летъ в той полбе прибытка 1000, 700 и 50 копен.

О молоченом овсе

А овса молоченого 20 половникъ и единъ, а на то прибытка на одно лето 11 половникъ овса, а на всю 12 лет в томъ овсе прибытка 2000 и 800 и 60 и 3 половникы овса.

О молоченомъ ячмени

А ячмени молоченого 6 половникъ, а на то прибытка на едино лето 3 половникы, а на всю 12 летъ в томъ ячмени прибытка 700 и 11 половникъ.

О немолоченом жите

Немолоченое жито метано на 2 копны 3 - я, молоченое жито метано на 2 половника 3, а на всю 12 летъ.

А немолоченаго жита на 12 летъ ржи половниковъ 7000 копенъ и 600 копенъ и 10 копенъ.

А молоченаго жита и овса и ячмени полъчетверты тысячи половникъ и 70 половникъ и 4 половникы, а всего того коунами 170000 гривенъ и 9000 гривенъ и 300 гривенъ и 90 гривенъ и 4 гривны и 30 резанъ и резана, опроче жита.

О сене

А того же села пять стожеи сена, а та на всю 12 летъ 60 стог сена, а стогъ по гривне, а то 60 гривенъ кунами.

О сиротьем вырятьке

А женка съ дчерию, темъ страды на 12 летъ, по гривне на лето, 20 гривенъ и 4 гривны коунами.

В конце Карамзинского списка добавлены статьи:

О человеце

Оже человекъ полгавъ куны оу людей, а побежить в чюжоу землю, веры емоу не яти, какъ и татю.

О городских мостех, осменики поплата

А в Людинъ конець чрез гроблю от Добрынины оулици в городняя врата до Бискупли оулици до Бориса и Глеба, а Тиможеномъ до Коломнянъ, а Коломляномъ до Нерьтьско на мостоу; а Нерядичаномъ до Веряжанъ, а Веряжаномъ до Пидьблянъ, а Пидьбляном до Чюдинцевои оулице, а Чюдиньцевеи оулици съ Загорожаны до городныхъ воротъ, а владыце сквозе городная врата съ изгои, а съ другыми до Острое оулици. 1) Довыдожа ста, 2) Слепцева ста, 3) Бовыкова ста, 4) Олексина ста, 5) Ратиборова ста, 6) Кондратова ста, 7) Романова ста, 8) Сидорова ста, 9) Гаврилова ста, 10) Княжа ста, 11) Княжа, 12) Рьжевьская, 13) Бежитьская, 14) Володьская, 15) Обонижеская, 16) Лоуская, 17) Лобьская, 18) Волховьская, 19) Яжельбичьская, двои рили до торгу, Софьяномъ до тысяцьскаго, тысяцьскомоу до Вощникъ, от Вощникъ посаднику до Великаго ряду, от Великаго ряду князю до Неметьскаго вымола, Немцемь до Иваня вымола, Гтомъ до Гелардова вымола до задняго, от Гелардова вымола огнищаномъ до Боудитина вымола, Ильицаном до Матеева вымола, а Михаиловцемъ до Бардины оулки, а Видьковичамъ до Климятиныхъ сенеи.

О муце

Оже оутяжуть в муке, а посидить оу дворянина, 8 ногатъ за ту моуку, а оу колоколници бьютъ кнутомъ, а за тоу мукоу 80 гривенъ.

По си места судебникъ Ярославль.

предыдущая главасодержаниеследующая глава








Рейтинг@Mail.ru
© HISTORIC.RU 2001–2023
При использовании материалов проекта обязательна установка активной ссылки:
http://historic.ru/ 'Всемирная история'